Ott India News Logo
Recent Posts
Connect with:
Monday / December 6.
Homeએન્ટરટેઈન્મેન્ટઓહ! તો ગોવિંદાએ આ ગીતના લિરિક્સ લખ્યા છે: ફિલ્મી દુનિયાની ટોપ ખબરો

ઓહ! તો ગોવિંદાએ આ ગીતના લિરિક્સ લખ્યા છે: ફિલ્મી દુનિયાની ટોપ ખબરો

Gujarati Bollywood news 22 November (5)
Share Now

શાહિદ કપૂરની ‘જર્સી’ની લેટેસ્ટ અપડેટ 

બાલાજી ટેલિફિલ્મ્સ, પેન મરુધરે શાહિદ કપૂરની ‘જર્સી’ માટે ભારતના થિયેટર અધિકારો મેળવ્યા છે. શાહિદ કપૂર સ્ટારર ફિલ્મ ‘જર્સી’ના નિર્માતાઓએ ફિલ્મની થિએટર રિલીઝ માટે બાલાજી ટેલિફિલ્મ્સ અને પેન મરુધર સાથે જોડાણ કર્યું છે. આ ફિલ્મ ગૌથમ તિન્નાનુરી દ્વારા દિગ્દર્શિત સમાન શીર્ષકની તેલુગુ ફિલ્મની રિમેક છે અને તે તેના પ્રદર્શનના ક્ષેત્રને વૈવિધ્યસભર બનાવે છે, તેથી ફિલ્મના નિર્માતાઓએ ફિલ્મની સંભવિત રિલીઝને ધ્યાનમાં રાખીને ટાઈઅપ પૂર્ણ કર્યું છે.

બાલાજી ટેલિફિલ્મ્સના મેનેજિંગ ડિરેક્ટર એકતા કપૂર કહે છે, “જર્સી જેવી ફિલ્મ થિયેટરમાં જોવાના અનુભવને પાત્ર છે અને તે રોમાંચક છે કે અમે આને દર્શકો માટે આગળ લાવવામાં સક્ષમ છીએ.” પેન મરુધરના જયંતિલાલ ગડાએ જણાવ્યું હતું કે, “આ ફિલ્મનું કન્ટેન્ટ થિયેટરોમાં રિલીઝ થવાને લાયક છે, અને અમને એક મહાન ફિલ્મને સાંકળવાની અને રિલીઝ કરવાની આ તક મળતાં આનંદ થાય છે.”

Gujarati Bollywood news 22 November (1)

આ ફિલ્મ, જે અલ્લુ અરવિંદ દ્વારા રજૂ કરવામાં આવી છે અને અમન ગિલ, દિલ રાજુ, એસ નાગા વામસી દ્વારા નિર્મિત છે અને તેમાં મૃણાલ ઠાકુર અને પંકજ કપૂર પણ છે. ‘જર્સી’ એ શાહિદ કપૂરની તેની બ્લોકબસ્ટર ફિલ્મ ‘કબીર સિંઘ’ પછીની આગામી મેગા રીલિઝ છે અને તે 31 ડિસેમ્બર, 2021ના રોજ રિલીઝ થવાની તૈયારીમાં છે.

આ પણ વાંચો: અંકિતા લોખંડેના લગ્ન કન્ફર્મ, જુઓ ફોટો 

 

શૂન્યથી સર્જન કર્યું અભિનેતા નકુલ રોશન સહદેવે 
અભિનેતા નકુલ રોશન સહદેવ કહે છે કે મારું કામ યોગ્ય દર્શકો સુધી પહોંચવાથી મને લાગે છે કે હું સાતમ આસમાને છું. એક પછી એક બે OTT રીલિઝ સાથે, ગલી બોય અભિનેતા નકુલ રોશન સહદેવ કહે છે કે અત્યારે તે માત્ર આગળ જોવા અને ભવિષ્ય માટે સંપૂર્ણ તૈયારી કરવા માંગે છે.

તેણે કહ્યું હતું કે “મેં ખરેખર શૂન્યથી શરૂઆત કરી હતી, તેથી રિજેક્ટ થવાનું જોખમ ઉપાડી શકું તેમ ન હતું કારણ કે તે મારી કારકિર્દીની શરૂઆતમાં મારી કારકિર્દીને માટે અવરોધ ઊભા થઈ જવાની સંભાવના હતી. વાસ્તવમાં, હું મારા મગજમાં ખૂબ જ સ્પષ્ટ હતો કે બોલિવૂડના ઘણા મોટા દિગ્ગજો એ કોઈ ગોડફાધર વિના જેમણે પોતાનું નામ બનાવ્યું છે, તેમના જેમ મારે પણ ઘણા આત્મવિશ્વાસ સાથે આગળ વધવું છે.”

આ વિશે વાત કરતાં તેણે કહ્યું, “હકીકત એ છે કે નાના-મોટા કામથી યુવાનો માટે કોઈ ખાસ બદલાવ આવતો નથી. ઉપરાંત, મેં હાથ ધરેલા ઘણા સારા પ્રોજેક્ટ્સ ક્યારેય બની શક્યા નહીં. સદભાગ્યે, જ્યારે ગલી બોય રીલીઝ થઈ, ત્યારે મને ખાતરી હતી કે હું તે બ્રેકનો મહત્તમ ઉપયોગ કરીશ.”

nakul roshan sahdev gully boy

આ સાથે, તે ખુશ છે કે તેની OTT સીરિઝ ગિરગિટ ઔર કેન્ડી બંનેને ઉત્તમ રિવ્યુઝ મળ્યા છે.  તે હવે પછી ફિલ્મ ફેરેમાં જોવા મળશે, હાલમાં તે વેબ સિરીઝના શૂટિંગમાં વ્યસ્ત છે અને તે જાન્યુઆરી 2022 થી અનટાઈટલ્ડ ફીચર ફિલ્મનું શૂટિંગ શરૂ કરવા માટે તૈયાર છે.

 

આ ગીતના બોલ લખ્યા હતા ગોવિંદા એ… 

ગોવિંદા એ તેના આઇકોનિક ગીતમાંથી એક પંક્તિ વિષે કર્યો ખુલાસો. હા, શું તમે જાણો છો કે ગોવિંદાએ પોતાની ફિલ્મ માટે ઘણા ગીતો લખ્યા છે. હાલમાં જ રિયાલિટી શો ‘સા રે ગા મા પા’માં સ્પેશિયલ ગેસ્ટ તરીકે જોવા મળેલા બોલિવૂડ એક્ટર ગોવિંદાએ ખુલાસો કર્યો છે કે તેમણે તેના પાત્રો સાથે સંબંધિત કેટલાક પ્રખ્યાત ગીતો માટે કેટલીક લાઇન લખી છે જેમ કે ‘કુલી નંબર 1’ ની ‘મેં તો રસ્તે સે જા રહા થા’.

આ વિશે વાત કરતાં તેણે કહ્યું: “ઘણા લોકોને આ ખબર નથી, પરંતુ ‘મૈં તો રસ્તે સે જા રહા થા, ભેલ પુરી ખા રહા થા’ પંક્તિ મારા દ્વારા બનાવવામાં આવી હતી. અને તે માત્ર એક છે એવું નથી. મેં ખરેખર ઘણા ગીતોના બોલ લખ્યા છે, પરંતુ મેં ક્યારેય તેમને લખવાનો શ્રેય લીધો નથી.” હા ગોવિંદા કહે છે કે તેણે ક્યારેય કોઈ ગીતનો શ્રેય લીધો નથી, કારણ કે બધા શબ્દો તેણે લખ્યા નથી.

Gujarati Bollywood news 22 November

આ વિશે વાત કરતી વખતે, તેણે વધુમાં કહ્યું કે “હું ક્યારેય ક્રેડિટ લેવા માંગતો ન હતો કારણ કે તે કોઈ બીજાના પૈસા હતા, અને હું કોઈ બીજાને સોંપેલ કામ માટે ક્યારેય પૈસા નહીં લઉં. હું મારી ફિલ્મોમાં ફક્ત વ્યવસાયિક રીતે યોગદાન આપી રહ્યો હતો.”

જુઓ વિડિઓ: પ્રીતિ એ આપી ખુશખબરી  

 

આમિર ખાન ત્રીજી વખત લગ્ન કરવા તૈયાર
આ વર્ષે ઓગસ્ટમાં આમિર ખાને જાહેરાત કરી હતી કે તે અને તેની પત્ની કિરણ રાવ છૂટાછેડા લઈ રહ્યા છે. કિરણ પોતે ફિલ્મ નિર્માતા અને આમિરની બીજી પત્ની હતી. હવે આમિર તેના ત્રીજા લગ્ન માટે સોશિયલ મીડિયા પર ચર્ચામાં છે. નેટીઝન્સ માત્ર આમિર ખાનના ત્રીજા લગ્નની ચર્ચામાં જ વ્યસ્ત નથી પરંતુ તે ક્યારે તેની જાહેરાત કરશે તેની માહિતી પણ આપી રહ્યા છે.

તમને જણાવી દઈએ કે સોશિયલ મીડિયા પર ચાલી રહેલી ચર્ચા મુજબ, આમિર લાલ સિંહ ચઢ્ઢા પછી તરત જ લગ્ન કરવાનો નિર્ણય જાહેર કરશે. આ ફિલ્મનું ધ્યાન હટાવવાનું ટાળવા માટે અને બોક્સ ઓફિસ પર ફિલ્મના રનના માર્ગમાં કોઈ વિવાદ અથવા ટીકા ન આવવા દેવા માટે તેઓ હાલમાં કોઈ અનાઉન્સમેન્ટ કરવાનું ટાળી રહ્યા છે. આટલું જ નહીં, એવું પણ અનુમાન લગાવવામાં આવી રહ્યું છે કે આમિર તેની પાછલી ફિલ્મોના કો-સ્ટાર્સમાંથી એક સાથે લગ્ન કરશે. સહ-સ્ટારનું નામ આપતો એક લેખ તાજેતરમાં વાયરલ થયો હતો જેણે આ અફવાઓની આગને વેગ આપ્યો હતો.

આમિર અને કિરણ વિશે વાત કરીએ તો, તેમના અલગ થવાની જાહેરાતના એક દિવસ પછી, પરફેક્શનિસ્ટ ખાનની દંગલ કી સ્ટાર ફાતિમા સના શેખનું નામ સોશિયલ મીડિયા પર ટ્રેન્ડ થવા લાગ્યું. ચાહકો અનુમાન લગાવી રહ્યા હતા કે આ જ કારણ છે કે આમિરે કિરણ સાથેના લગ્નનો અંત લાવવાનો નિર્ણય લીધો છે. જેઓ અજાણ છે તેમના માટે જણાવી દઈએ કે ફાતિમા અને આમિર ખૂબ જ નજીક છે. જ્યારે આમિર તેને પ્રોફેશનલ તરીકે પસંદ કરે છે, ત્યારેફાતિમા પણ આમિરને પોતાનો માર્ગદર્શક માને છે. બંનેએ દંગલ અને બાદમાં ઠગ્સ ઓફ હિન્દોસ્તાનમાં સાથે કામ કર્યું હતું.
જોકે હવે જોવું એ રહ્યું કે આમિર અને ફાતિમા આ વિષે ક્યારે ખુલાસો કરે છે.

 

રાની મુખર્જીએ ફિલ્મ ઇંડસ્ટ્રીમાં 25 વર્ષ પૂરા કર્યા 

હિન્દી ફિલ્મોમાં રાની મુખર્જીના 25 વર્ષ પૂરા થયા, રાની હવે સેકન્ડ ઈનિંગમાં પૂરા એક્સપેરીમેન્ટ કરવા માંગે છે. હિન્દી ફિલ્મ ઈન્ડસ્ટ્રી પર રાજ કરનાર રાની હિચકી અને મર્દાની જેવી ફિલ્મોમાં જોવા મળી છે. પરંતુ શુક્રવારે સિનેમાઘરોમાં રિલીઝ થનારી સિક્વલ બંટી ઔર બબલી 2માં તે ચાહકોની ફેવરિટ બબલી તરીકે લોકોને ખૂબ એન્ટરટેન કરી રહી છે.

rani mukerji

આ માટે તે કહે છે કે તે “આ ઝોન”માં મજા કરી રહી છે કારણ કે તેની પુત્રી આદિરાને તેનો ડાન્સ જોવો ગમે છે. રાનીએ ફિલ્મ નિર્માતા આદિત્ય ચોપરા સાથે લગ્ન કર્યા છે અને તેને એક બાળક પણ છે. તાજેતરના એક ઈન્ટરવ્યુમાં તેણે ફિલ્મ ઈન્ડસ્ટ્રીમાં 25 વર્ષ પૂરા કર્યા હોવાથી તેના વધતા જુસ્સા વિશે વાત કરી હતી.

તેમણે કહ્યું કે,”તે ખરેખર મહાન છે કારણ કે મને ગાવાનું ગમે છે, મને ડાન્સ કરવો ગમે છે, મને આ ગ્લેમરસ ભૂમિકાઓ ભજવવી ગમે છે. પરંતુ, હા, મારી ફિલ્મોની પસંદગી થોડા સમયથી અલગ રહી છે અને બંટી ઔર બબલી મને મારી સ્ટાઈલ અને લુક સાથે સંપૂર્ણપણે પાગલ થવાની તક આપે છે. હું મસ્તી ઝોનમાં પાછી ગઈ છું અને એક રોલ જે મેં પછી કર્યો.”

તે જ સમયે, તેણે આગળ કહ્યું કે,”મને લાગે છે કે તમારે એવી કેટલીક ફિલ્મો અને ભૂમિકાઓ પણ કરવાની છે જે તમે તમારી ઉંમરે કરી શકો. બંટી ઔર બબલી 2 માં હું એક માતાની ભૂમિકા ભજવી રહી છું, હું પોતે માતા છું. મને હંમેશા એવી ભૂમિકાઓ કરવાની જરૂર છે કે જ્યાં લોકો મારી સાથે રિલેટ કરી શકે.”

 

આ એક સીન એ બદલ્યું અજય દેવગણનું જીવન 

‘આઈ સ્ટિલ રિમેમ્બર ધ થ્રિલ’માં, અજય દેવગણે તેની કારકિર્દી ને વ્યાખ્યાયિત કરનાર ફિલ્મ ‘ફૂલ ઔર કાંટે’ના સ્ટંટને યાદ કર્યો. આપણને બધાને યાદ છે કે અજય દેવગણ તેની પ્રથમ ફિલ્મ ફૂલ ઔર કાંટેમાં કૉલેજમાં એન્ટ્રી કરતી સમયે બે બાઈક પર ઊભો હતો “

Streaming Guide: Ajay Devgn movies – Fashion News

તે હજુ પણ નિઃશંકપણે બોલિવૂડની શ્રેષ્ઠ શરૂઆતની ક્ષણોમાંની એક છે. ફૂલ ઔર કાંટે ખાસ હતી કારણ કે તેણે તેમનો બોલિવૂડની દુનિયામાં પરિચય કરાવ્યો હતો. આ વાતને હવે 30 વર્ષ થઈ ગયા છે. પોતાના ડેબ્યુ વિશે યાદ કરતાં અજયે કહ્યું, “ફૂલ ઔર કાંટે’ના 30 વર્ષની ઉજવણી કરવી એ ખાસ છે. આ ફિલ્મે ભારતીય ફિલ્મ ઉદ્યોગમાં મારી પદાર્પણ કરાવી હતી. મેં ક્યારેય કલ્પના કરી ન હતી કે એક સ્ટંટ સીન – જેમાં હું… બે મોટરસાઇકલ પર પ્રવેશું છું – તે મારી કારકિર્દીની આટલી નિર્ણાયક ક્ષણ બની જશે. મને હજી પણ યાદ છે કે જ્યારે મેં તે ફરતી બાઇકો પર તે સ્પીલ પરફોર્મ કર્યું ત્યારે મને જે રોમાંચ અનુભવાયો હતો.”

તે એટલા માટે પણ ખાસ હતું કારણ કે બોલિવૂડના એક્શન માસ્ટર, અજય લેના પિતા વીરુ દેવગણે તે શોટનું નિર્દેશન કર્યું હતું અને તેણે સ્ટંટ ડબલ્સનો ઉપયોગ કર્યો ન હતો. પોતાની જર્ની વિશે વાત કરતાં દેવગને કહ્યું, “ત્યારથી, હિન્દી સિનેમાએ તેની ક્ષિતિજો વિસ્તરી છે અને હું ભાગ્યશાળી છું કે હું આ સતત વિકસતા ઉદ્યોગનો એક ભાગ બન્યો છું. મારી કારકિર્દીના 30 વર્ષ પૂરા થવા પર ‘ફૂલ ઔર કાંટે’માં પાછા ફરવું અતિવાસ્તવ અને ભાવનાત્મક લાગે છે.”

આ પણ વાંચો: આ કારણે રડી  પડ્યા રજનીકાંત!

 

જ્યારે યામી ગૌતમને ટીકાઓનો સામનો કરવો પડ્યો

યામી ગૌતમે ખુલાસો કર્યો કે શરૂઆતમાં મને કહેવામાં આવ્યું હતું કે હું સુંદર છું પરંતુ હું ખૂબ જ સામાન્ય દેખાવું છું. યામી ગૌતમ ધરે તાજેતરમાં સોશિયલ મીડિયા પર તેની પોસ્ટમાં તેની ત્વચાની કન્ડિશન, કેરાટોસિસ પિલારિસ વિશે ખુલાસો કર્યો.

આ પહેલીવાર નથી જ્યારે તેણીએ ગ્લેમર જગતની “ખામીઓ” વિશે ખુલીને વાત કરી હોય. જ્યારે તેમને પૂછવામાં આવ્યું કે એવું તો શું છે કે તે તેના રૉ અને રિયલ (કોઈ મેકઅપ વગરના) ફોટા મૂકવા માંગે છે, ત્યારે તેણી કહે છે, “તે ચોક્કસ સુરક્ષાની ભાવના સાથે આવે છે જે તમે શરૂઆતથી અથવા લાંબા સમય સુધી અનુભવો છો. મારા આ વિષે વોંકલ હોવાનું કારણ એ છે કે મને લાગે છે કે ત્યાં અન્ય લોકો પણ હોઈ શકે છે જેઓ મારી જેમ જ સમસ્યાઓનો સામનો કરી રહ્યા છે.”

ચંદીગઢ સ્થિત યામી જ્યારે ઇન્ડસ્ટ્રીમાં નવી હતી ત્યારે તેણીના દેખાવ માટે ઘણી ટીકાઓનો સામનો કરવો પડ્યો હતો, પરંતુ તેનાથી તેણીનું મનોબળ બગડ્યું ન હતું. તેણી કહે છે, “મારી કારકિર્દીની શરૂઆતમાં, હું જે લોકોને મળતી હતી, તેઓ મારા નાક અથવા તો મારા ડિમ્પલ પર ટિપ્પણી કરતા હતા. તેઓને લાગ્યું કે મારા ડિમ્પલનું સ્થાન થોડું વિચિત્ર છે! મને તો એમ પણ કહેવામાં આવ્યું હતું કે, ‘તમે સુંદર છો’, પણ તમે ખૂબ જ સામાન્ય દેખાવ છો.’ હું આશ્ચર્ય પામતી હતી કે આ ટિપ્પણીઓનો અર્થ શું છે. મને ખબર ન હતી કે શું કરવું. મને ખરાબ લાગતું હતું, પરંતુ તેણે મને ક્યારેય તે સ્થાને ન પહોંચાડી જ્યાં મેં વિચાર્યું, ‘ઠીક છે, મને મારા ચહેરા અથવા શરીર વિશે આ બદલવા દો’.

આ પણ વાંચો: … તો રાની મુખર્જીને આમિર ખાન સાથે પ્રેમ થઈ જાત!

 

અપર્ણા મલિક માટે છેતરપિંડી બની વરદાન 

અપર્ણા મલિક માટે છેતરપિંડી એ જીવનનો પાઠ બની ગયો. હા, તમને જણાવી દઈએ કે સીતાપુરઃ ધ સિટી ઓફ ગેંગસ્ટર્સમાં મુખ્ય ભૂમિકા ભજવનાર અપર્ણા મલિકનું માનવું છે કે ફિલ્મ ઈન્ડસ્ટ્રીમાં સ્થાન બનાવવા માટે નાના શહેરની ઓળખનો ઉપયોગ અવરોધક તરીકે ન થવો જોઈએ.

aparna malik araria

તે જ સમયે, તે સંમત થાય છે કે તે તેના માટે ક્યારેય સરળ નહોતું, એમ કહીને કે ” મેં જેટલી બચત કરી હતી, એક કાસ્ટિંગ એજન્સીએ મને છેતરી અને મારી તમામ સેવિંગ્સ મેં ગુમાવી દીધી. હું ભાંગી પડી પણ એ ઘટના મારા માટે આશીર્વાદમાં ફેરવાઈ ગઈ. એણે મારો નિશ્ચય મજબૂત કર્યો! ટૂંક સમયમાં, મેં મારા વતનમાં એક જાહેરાત કરી અને એક એવોર્ડ સમારોહ દરમિયાન હું કેટલાક ફિલ્મ નિર્માતાઓને મળી જેમણે મને સીરિઝની ઓફર કરી… પરંતુ તે પછી લોકડાઉન થયું જેણે મને મારી કુશળતા પર કામ કરવા માટે સમય આપ્યો.”

“મારો પહેલો પ્રોજેક્ટ શશાંક હતો જેમાં હું સંઘર્ષ કરતા અભિનેતાની ભૂમિકા ભજવી રહ્યો છું, ત્યારબાદ અન્ય પ્રોજેક્ટ, બેંગ્લોરમાં કન્નડ ફિલ્મ ટી, મુંબઈમાં તેરે મેરે દરમિયાં અને બે તેલુગુ ફિલ્મો ડેડલાઈન એન્ડ હાઉ? આ પછી હું ઉત્તરાખંડમાં મ્યુઝિકલ ફિલ્મ દિયોદર અને બીરાનું શૂટિંગ કરી રહી છું.

તેણીની સફર અંગે તે વધુમાં કહે છે, “જ્યારે હું પાછળ વળીને જોઉં છું, ત્યારે મને બધું જ દેખાય છે. મને શાળાના દિવસોથી જ અભિનય અને ગાયનમાં રસ હતો જે હવે મારી કારકિર્દી છે. આ સિવાય મેં ગાયકીમાં પણ કારકિર્દી શરૂ કરી છે. એક ગીત લખવામાં આવ્યું છે, કમ્પોઝ કરવામાં આવ્યું છે અને મેં ગાયું છે, જે ટૂંક સમયમાં રિલીઝ થશે. સાથે જ, મારા શિક્ષણથી મને જીવનમાંથી શું જોઈએ છે તે સમજવામાં મદદ મળી છે. છેલ્લે, હું કહેવા માંગુ છું કે આપણા દેશની છોકરીઓએ તેમના માતાપિતા સાથે વાત કરવાની જરૂર છે. “

વધુ માહિતી માટે અત્યારે જ ડાઉનલોડ કરો OTT INDIA APP

Android: http://bit.ly/3ajxBk4

IOS: http://apple.co/2ZeQjTt

No comments

leave a comment