શું મોબાઈલ તમને તમારા પાર્ટનરથી કરી રહ્યો છે દૂર?

જ્યારે તમે અને તમારા જીવનસાથી બંને સંબંધ પ્રત્યે ગંભીર રહો છો ત્યારે જ પતિ પત્નીનો સબંધ સફળ થાય છે. પતિ પત્નીના સંબંધની સફળતા બંનેના પ્રેમ પર નિર્ભર છે. જો સંબંધોને લઈને બંનેમાંથી કોઈનું વલણ ઢીલું હોય તો સમજવું કે અહીંથી મુશ્કેલી શરૂ થાય છે. જો તમે તમારા પાર્ટનર કરતા તમારા ફોનને વધુ મહત્વ આપો છો તો તે તમારા સંબંધ માટે બિલકુલ સારું નથી. તમારે સમજવું પડશે કે આ વસ્તુઓ તમારી આખી જીંદગી ટકશે નહીં.

સોશિયલ મીડિયા કરતાં પાર્ટનરની કંપની વધુ મહત્વની 

એ સમજવું ખૂબ જ જરૂરી છે કે સોશિયલ મીડિયા કરતાં તમારા પાર્ટનરની કંપની તમારા માટે વધુ મહત્વની છે. જો તમે તેમની સાથે સમય વિતાવવાને બદલે તમારા સોશિયલ મીડિયાને અપડેટ રાખવાને મહત્વપૂર્ણ માનો છો, તો તે તમારા અને તમારા સુંદર સંબંધો માટે જોખમ બની શકે છે.

આ પણ વાંચો:પ્રેમમાં પડતાં પહેલાં જાણી લો આ વાત, ક્યારેય નહિ થાઓ દુ:ખી

એ વાત ક્યારેય ન ભૂલશો કે જ્યારે તમે રડતા હોવ ત્યારે તમારો પાર્ટનર તમને ખભો આપશે તમારો ફોન નહીં, માટે એ જરૂરી છે કે તમે તમારા પાર્ટનરનું મહત્વ સમજો. તમારી જરૂરિયાત મુજબ ફોનનો ઉપયોગ કરવો તે ઠીક છે, પરંતુ તમારા જીવનસાથીને આપવાનો સમય તમે ફોનમાં પસાર કરો તે વ્યાજબી નથી.

જીવનસાથી એકલતા અનુભવે છે

એમાં કોઈ શંકા નથી કે જો તમે હંમેશા તમારા ફોન પર જ રહો છો, તો તમારો પાર્ટનર તમારા પર શંકા કરવા લાગશે. સાથે જ તમારા પાર્ટનરને એ પણ લાગશે કે તમે તેમની અવગણના કરી રહ્યા છો. આ બાબત તમારા સંબંધોમાં એટલી મોટી તિરાડ લાવી શકે છે કે તમારો સંબંધ તૂટી પણ શકે છે. ધ્યાનમાં રાખો કે તમારો સંબંધ તમારા સ્માર્ટફોન કરતાં વધુ મહત્વપૂર્ણ છે.