Ott India News Logo
Recent Posts
Connect with:
Sunday / July 3.
Homeભક્તિગુજરાતનું એક એવું મંદિર જેની સ્થાપના સ્વયં બ્રહ્માજીએ કરી હતી

ગુજરાતનું એક એવું મંદિર જેની સ્થાપના સ્વયં બ્રહ્માજીએ કરી હતી

Hatkeshwar-Mhadev
Share Now

સુપ્રસિદ્ધ હાટકેશ્વર મહાદેવનું મંદિર મહેસાણા જિલ્લાના વડનગર ખાતે આવેલ છે. આશરે 2000 વર્ષ જૂના આ મંદિરનો સ્કંદપુરાણમાં પણ ઉલ્લેખ છે. શિવાલયમાં સ્થાપિત તમામ શિવલિંગોની ભારતીય સંસ્કૃતિ અને પૌરાણિક માન્યતાઓ અનુસાર પૂજા કરવામાં આવે છે.

બે હજાર વર્ષ જૂનો છે આ મંદિરનો ઇતિહાસ 

પૌરાણિક લોકવાયકા મુજબ હાટકેશ્વર મંદિરનો ઈતિહાસ બે હજાર વર્ષ જૂનો છે. વડનગરમાં સ્થાપિત શિવલિંગની સ્થાપના સ્વયં બ્રહ્માજીએ કરી હતી. 17મી સદીમાં વડનગરના નાગર બ્રાહ્મણોએ મંદિરનો જીર્ણોદ્ધાર કરાવ્યો હતો. એવું કહેવાય છે કે ભવ્ય શિવાલયમાં સ્વયં ભૂ શિવલિંગ સ્થાપિત છે.

ભારતીય સંસ્કૃતિ અને શાસ્ત્રીય શૈલીના આધારે બનાવવામાં આવ્યું  છે મંદિર 

એવું માનવામાં આવે છે કે પાતાળ લોકમાં હાટકી નદી પાસે એક શિવ મંદિર હતું. તેમના નામ પરથી તેનું નામ હાટકેશ્વર મહાદેવ રાખવામાં આવ્યું. હાટકેશ્વર એટલે સોનમાંથી નિર્મિત. એટલે કે હાટકેશ્વર મહાદેવ ધરતીની અંદર મોજૂદ અમૂલ્ય રત્નોના માલિક છે. ભવ્ય તીર્થસ્થળ હાટકેશ્વર મંદિર ભારતીય સંસ્કૃતિ અને શાસ્ત્રીય શૈલીના આધારે બનાવવામાં આવ્યું છે. મહાભારત, સમુદ્ર મંથન જેવી પ્રાચીન કલાકૃતિઓ મંદિરની દિવાલો પર શિલ્પ દ્વારા કરવામાં આવી છે.

hatkeshwar temple

આ પણ વાંચો:શું તમે શ્રીફળના પહાડ વિશે ક્યારેય સાંભળ્યું છે ખરા ?

શિવાલયમાં શિવલિંગની સાથે ભગવાન વિષ્ણુ કાચબાના રૂપમાં પણ બિરાજમાન છે. શિવના પ્રિય વાહન નંદી મહારાજ પણ મંદિરમાં બિરાજમાન છે. સંકુલમાં અન્ય દેવતાઓ બહુચર મા, જગત જનની અંબે માં, દાનેશ્વર, તારકેશ્વર, રવેશ્વર, ચમકેશ્વર, સોમનાથ, પાતાળેશ્વર, જાકેશ્વર, મુક્તેશ્વર પંચનાથ મહાદેવ બિરાજમાન છે. આ પવિત્ર મંદિર ખાતે શુક્લ પક્ષની ચૌદશના દિવસે હાટકેશ્વર જયંતિ ઉજવવામાં આવે છે.

વડા પ્રધાન નરેન્દ્ર મોદીનું કુળદેવતા હાટકેશ્વર મહાદેવ

શિવરાત્રિ દરમિયાન મંદિરમાં ટ્રસ્ટ દ્વારા વિશેષ કાર્યક્રમનું આયોજન કરવામાં આવે છે અને હાટકેશ્વર દાદાની પાલખીનું આયોજન કરી શહેરની બહાર કાઢવામાં આવે છે. એકાદશની રુદ્રાભિષેક કરવાથી ઈચ્છિત સોનાના આભૂષણો પ્રાપ્ત થાય છે. ભારતભરમાંથી ભક્તો દર્શન કરવા આવે છે. ટ્રસ્ટ દ્વારા ભક્તો માટે તમામ પ્રકારની સુવિધાઓ ઉપલબ્ધ છે. હાટકેશ્વર મહાદેવ વડાપ્રધાન નરેન્દ્ર મોદીના પણ કુળદેવતા છે.

વધુ માહિતી માટે અત્યારે જ ડાઉનલોડ કરો OTT INDIA APP

Android: http://bit.ly/3ajxBk4

IOS: http://apple.co/2ZeQjTt

No comments

leave a comment