Ott India News Logo
Recent Posts
Connect with:
Monday / October 25.
Homeન્યૂઝપીએમ મોદીએ Indian Space Association કર્યું લોન્ચ, કહ્યું ભારત બનશે આત્મનિર્ભર

પીએમ મોદીએ Indian Space Association કર્યું લોન્ચ, કહ્યું ભારત બનશે આત્મનિર્ભર

pm modi launch indian space association
Share Now

વડાપ્રધાન નરેન્દ્ર મોદીએ(Narendra Modi) સોમવારે ‘ઇન્ડિયન સ્પેસ એસોસિએશન'(Indian Space Association) લોન્ચ કર્યું હતું. ત્યારે ઇન્ડિયન સ્પેસ એસોસિએશનને સંબોધન કરતાં તેમણે કહ્યું કે ભારતમાં સ્પેસ સેક્ટર અને સ્પેસ ટેકનોલોજીને લઈને મોટા ફેરફારો થઈ રહ્યા છે. ‘ઇન્ડિયન સ્પેસ એસોસિએશન’ આ ફેરફારોની કડી છે. હું તમામ દેશવાસીઓને અભિનંદન આપું છું અને ઇંડિયન સ્પેસ એસોસિએશન(ISPA) ની રચના માટે હું શુભેચ્છાઓ પાઠવું છું.

સ્પેસ એસોસિએશનના ચાર ઉદ્દેશ્ય 

પ્રધાનમંત્રી મોદીએ કહ્યું કે ઇન્ડિયન સ્પેસ એસોસિએશનના(Indian Space Association) મુખ્ય ચાર ઉદ્દેશો છે. આમાં, પ્રથમ ખાનગી ક્ષેત્રને નવીનીકરણ માટે સ્વતંત્રતા આપવી, બીજું પ્રમોટર તરીકે સરકારની ભૂમિકા સુનિશ્ચિત કરવી, ત્રીજું યુવાનોને ભવિષ્ય માટે તૈયાર કરવા અને ચોથું સ્પેસ સેક્ટરનો વિકાસ સામાન્ય નાગરિકો માટે સાધનના રૂપમાં વિકસિત કરવાનું છે.

pm modi launch indian space association

આ પણ વાંચો:પીએમ મોદીએ સમાજવાદી નેતા જયપ્રકાશ નારાયણ અને જનસંઘના નેતા નાનાજી દેશમુખને શ્રદ્ધાંજલિ આપી

ભારત નવીનતાનું વૈશ્વિક કેન્દ્ર બનશે

વડા પ્રધાન નરેન્દ્ર મોદીએ કહ્યું કે અમારો ઉદ્દેશ ભારતને નવીનતાનું વૈશ્વિક કેન્દ્ર બનાવવાનો છે. આ એક એવી વ્યૂહરચના છે જે ભારતની તકનીકી કુશળતા પર આધારિત છે અને વૈશ્વિક વિકાસમાં મુખ્ય ભૂમિકા ભજવશે. તેમણે કહ્યું કે આત્મનિર્ભર ભારત માત્ર એક અભિયાન નથી. આ એક સારી વિચારસરણી અને વધુ સારી યોજના છે, જેથી ભારતના ઉદ્યોગસાહસિકો અને યુવાનોની કુશળતા વધારી શકાય અને ભારતને ‘ઉત્પાદનનું પાવરહાઉસ’ બનાવી શકાય.

130 કરોડ ભારતીયો માટે પ્રગતિનું માધ્યમ

પીએમ મોદીએ કહ્યું કે આપણું અંતરિક્ષ ક્ષેત્ર 130 કરોડ દેશવાસીઓની પ્રગતિ માટે એક મહાન માધ્યમ છે. આ સેક્ટર વધુ સારા મેપિંગ, ઇમેજિંગ અને સામાન્ય માણસ સાથે જોડાણની સુવિધા આપશે. આ કોન્સોર્ટિયમ ઉદ્યોગસાહસિકો માટે શિપમેન્ટથી લઈને ડિલિવરી સુધી સારી ઝડપ પૂરી પાડશે. તેમણે કહ્યું કે 21 મી સદીનું ભારત આજે જે અભિગમ સાથે આગળ વધી રહ્યું છે, તે જે સુધારાઓ કરી રહ્યું છે તેનો આધાર એ છે કે, ભારતને તેની ક્ષમતામાં અખૂટ માન્યતા છે. તેમણે કહ્યું કે ભારતની ક્ષમતા વિશ્વના તમામ દેશોથી ઓછી નથી.

અંતરિક્ષ વિશ્વને જોડવામાં મહત્વની ભૂમિકા ભજવશે

પીએમએ કહ્યું કે જ્યારે ભારત પોતાની આઝાદીના 100 વર્ષ ઉજવશે ત્યારે ભારત જે ઊંચાઈ પર હશે તેમાં આપણાં બધાનું યોગદાન મહત્વનું રહેશે. મોદીએ કહ્યું કે અમે જોયું છે કે 20 મી સદીમાં સ્પેશ પર શાસન કરવાના વલણે વિશ્વના દેશોને કેવી રીતે વિભાજિત કર્યા છે. હવે 21 મી સદીમાં ભારતે એ સુનિશ્ચિત કરવું પડશે કે અંતરિક્ષ વિશ્વને જોડવામાં મહત્વની ભૂમિકા ભજવે છે.

આ છે સંસ્થાપક સભ્યો 

ઇન્ડિયન સ્પેસ એસોસિએશનના સંસ્થાપક સભ્યોમાં લાર્સન એન્ડ ટુબ્રો, નેલ્કો, વનવેબ, ભારતી એરટેલ, મેપમાય ઇન્ડિયા, વાલચંદનગર ઇન્ડસ્ટ્રીઝ અને અનંત ટેકનોલોજીનો સમાવેશ થાય છે. આ સંઘ અંતરીક્ષ સંબંધિત નીતિઓની હિમાયત કરશે અને સરકાર અને સરકારી એજન્સીઓ વચ્ચે સંકલન સ્થાપિત કરશે.

ઉલ્લેખનીય છે કે, વડાપ્રધાન નરેન્દ્ર મોદીએ સોમવારે ‘ઇન્ડિયન સ્પેસ એસોસિએશન’ લોન્ચ કર્યું હતું. ત્યારે ઇન્ડિયન સ્પેસ એસોસિએશનને સંબોધન કરતાં તેમણે કહ્યું કે ભારતમાં સ્પેસ સેક્ટર અને સ્પેસ ટેકનોલોજીને લઈને મોટા ફેરફારો થઈ રહ્યા છે. ‘ઇન્ડિયન સ્પેસ એસોસિએશન’ આ ફેરફારોની કડી છે. હું તમામ દેશવાસીઓને અભિનંદન આપું છું અને ઇંડિયન સ્પેસ એસોસિએશન(ISPA) ની રચના માટે હું શુભેચ્છાઓ પાઠવું છું.

વધુ માહિતી માટે અત્યારે જ ડાઉનલોડ કરો OTT INDIA APP

Android: http://bit.ly/3ajxBk4

IOS: http://apple.co/2ZeQjTt

No comments

leave a comment