વડાપ્રધાન નરેન્દ્ર મોદી આજે ગૌતમ બુદ્ધ નગરના જેવર ખાતે નોઈડા ઈન્ટરનેશનલ એરપોર્ટનો શિલાન્યાસ કરશે. મળતી માહિતી મુજબ આ કાર્યક્રમ આજે બપોરે 1 વાગે યોજાનાર છે. આ સાથે જ ઉત્તર પ્રદેશ 5 આંતરરાષ્ટ્રીય એરપોર્ટ ધરાવતું પ્રથમ રાજ્ય બનશે.
શિલાન્યાસ કાર્યક્રમની તમામ તૈયારીઓ પૂર્ણ
શિલાન્યાસ કાર્યક્રમની તમામ તૈયારીઓ કરી લેવામાં આવી છે. સમગ્ર સ્થળનો કબજો SPG દ્વારા તેના હેન્ડઓવરમાં લેવામાં આવ્યો છે. ચુસ્ત સુરક્ષા વ્યવસ્થા ગોઠવવામાં આવી છે. તેમજ સ્ટેજને ભવ્ય રીતે સજાવવામાં આવ્યું છે. સ્ટેજને સુશોભિત કરવા માટે 20 ક્વિન્ટલ ફૂલ તારનો ઉપયોગ કરવામાં આવી રહ્યો છે જેથી સ્ટેજને ભવ્ય અને સુંદર બનાવી શકાય.
आदरणीय PM श्री @narendramodi जी द्वारा आज विश्व के चौथे सबसे बड़े इंटरनेशनल एयरपोर्ट, 'नोएडा इंटरनेशनल एयरपोर्ट' का शिलान्यास होगा।
यह एयरपोर्ट उ.प्र. को नई वैश्विक पहचान देगा।
उ.प्र., अब देश में सर्वाधिक 05 इंटरनेशनल एयरपोर्ट वाला राज्य होगा।
हार्दिक आभार प्रधानमंत्री जी!
— Yogi Adityanath (@myogiadityanath) November 25, 2021
આ પણ વાંચો:PM મોદીની અધ્યક્ષતામાં લેવાયો મોટો નિર્ણય, ત્રણેય કૃષિ કાયદા રદ કરવાના પ્રસ્તાવને મંજૂરી
VVIP અને પાર્ટીના નેતાઓની બેઠક માટે ખાસ વ્યવસ્થા કરવામાં આવી છે, જેથી તેઓને કાર્યક્રમ દરમિયાન કોઈ સમસ્યાનો સામનો કરવો ન પડે. આ સાથે સામાન્ય જનતા માટે પણ સારી તૈયારીઓ કરવામાં આવી છે. દરેક જિલ્લા માટે અલગ બ્લોક બનાવવામાં આવ્યો છે, જેથી તે જિલ્લાના લોકો તે બ્લોકમાં બેસી શકે. સુરક્ષાને ધ્યાને લઈને જાહેર સભાના તમામ સ્થળે સીસીટીવી કેમેરા લગાવવામાં આવ્યા છે. જાહેર સભામાં સામાન્ય જનતા આવવા માટે 20 ગેટ તૈયાર કરવામાં આવ્યા છે. જેથી જાહેરસભામાં આવતા લોકોને કોઈ મુશ્કેલી ન પડે. વાહનોના પાર્કિંગ માટે, 10 પાર્કિંગ લોટ તૈયાર કરવામાં આવ્યા છે, જેમાં મીડિયા પાર્કિંગથી K VVIP પાર્કિંગ લોટનો સમાવેશ થાય છે.
દિલ્હી-એનસીઆરમાં બીજું આંતરરાષ્ટ્રીય એરપોર્ટ
તમને જણાવી દઈએ કે, જેવર એરપોર્ટ દિલ્હી-એનસીઆરનું બીજું આંતરરાષ્ટ્રીય એરપોર્ટ હશે. એવું પણ માનવામાં આવે છે કે આ એરપોર્ટના નિર્માણથી ઈન્દિરા ગાંધી ઈન્ટરનેશનલ એરપોર્ટ પરનું દબાણ નોંધપાત્ર રીતે ઘટશે. એરપોર્ટનો પ્રથમ તબક્કો વર્ષ 2024 સુધીમાં પૂર્ણ થવાની અપેક્ષા છે. પ્રથમ તબક્કામાં 10,050 કરોડ રૂપિયાનો ખર્ચ કરવામાં આવી રહ્યો છે. એવું કહેવામાં આવી રહ્યું છે કે પ્રથમ તબક્કાના પૂર્ણ થવા પર, એરપોર્ટની વાર્ષિક ક્ષમતા 12 મિલિયન મુસાફરોની થઈ શકે છે.
એશિયાનું સૌથી મોટું એરપોર્ટ
ઉત્તર પ્રદેશના મુખ્યમંત્રી યોગી આદિત્યનાથનો દાવો છે કે આ જેવર એરપોર્ટ એશિયાનું સૌથી મોટું અને વિશ્વનું ચોથું સૌથી મોટું એરપોર્ટ હશે. તેની વિશેષતાની વાત કરીએ તો એરપોર્ટ સંપૂર્ણપણે પ્રદૂષણ મુક્ત હશે.
ઉલ્લેખનીય છે કે, વડાપ્રધાન નરેન્દ્ર મોદી આજે ગૌતમ બુદ્ધ નગરના જેવર ખાતે નોઈડા ઈન્ટરનેશનલ એરપોર્ટનો શિલાન્યાસ કરશે. મળતી માહિતી મુજબ આ કાર્યક્રમ આજે બપોરે 1 વાગે યોજાનાર છે. આ સાથે જ ઉત્તર પ્રદેશ 5 આંતરરાષ્ટ્રીય એરપોર્ટ ધરાવતું પ્રથમ રાજ્ય બનશે.
વધુ માહિતી માટે અત્યારે જ ડાઉનલોડ કરો OTT INDIA APP
Android: http://bit.ly/3ajxBk4
