Ott India News Logo
Recent Posts
Connect with:
Thursday / December 1.
Homeન્યૂઝરૂડા વિસ્તારના રીંગરોડનું ઈ-લોકાર્પણ કરવામાં આવશે

રૂડા વિસ્તારના રીંગરોડનું ઈ-લોકાર્પણ કરવામાં આવશે

Road
Share Now

રાજ્યના માન. મુખ્યમંત્રીશ્રી વિજયભાઈ રૂપાણીના વરદ હસ્તે રૂડા વિસ્તારના રીંગરોડનું ઈ-લોકાર્પણ કરવામાં આવશે

  •  કાલાવડ રોડથી સીધું જ પહોંચાશે ગોંડલ રોડ ઉપર
  •  ૧૫૦ ફૂટ રીંગ રોડ કે ગોંડલ ચોકડી જવાની જરૂરત રહેશે નહી.

રાજકોટ શહેરની ફરતે આકાર પામી રહેલ રીંગરોડ-૨, ફેઝ-૨ પાળ ચોકડીથી ગોંડલ હાઇવે સુધીનાં રસ્તા તથા બ્રીજનાં કામોનું ઈ-લોકાર્પણ

Road

રાજ્ય સરકારશ્રીના સુશાસનના પાંચ વર્ષની ઉજવણી (સેવાયજ્ઞ) અંતર્ગત રાજકોટ મહાનગરપાલિકા અને રાજકોટ શહેરી વિકાસ સત્તામંડળના સંયુક્ત ઉપક્રમે “શહેરી જનસુખાકારી દિવસ” અંતર્ગત જુદા જુદા વિકાસ કામોના ખાતમુહૂર્ત, લોકાર્પણ તથા વિકાસ કામો માટેચેક અર્પણ કાર્યક્રમ તા.૦૮/૦૮/૨૦૨૧ના રોજ સવારે ૦૯:૪૫ કલાકે પૂ.પ્રમુખ સ્વામી ઓડીટોરીયમ ખાતે માન.મુખ્યમંત્રી શ્રી વિજયભાઈ રૂપાણી, માન. ગૃહમંત્રીશ્રી પ્રદીપસિંહ જાડેજા તથા ગુજરાત મ્યુનિસિપલ ફાઈનાન્સ બોર્ડના માન. અધ્યક્ષની ધનસુખભાઈ ભંડેરીની વર્ચ્યુઅલ ઉપસ્થિતિમાં યોજાશે.

આ પણ જુઓ : ખેડૂતો હવે હળના સહારે

રૂડા રીંગરોડ-૨, ફેઝ-૨ માં પાળ ચોકડીથી ગોંડલ હાઇવે સુધીનાં ૬.૨ કિ.મી. રસ્તાની કામગીરી રકમ રૂ. ૮.૧૧ કરોડનાં ખર્ચે પૂર્ણ કરવામાં આવેલ છે. તેમજ રસ્તાની પથરેખામાં ચે.૮૨૭૫પર આવેલ બ્રીજની કામગીરી રકમ રૂ. ૭.૬૪ કરોડ તથા ચે.૧૦૦૫૨ પર આવેલ બ્રીજની કામગીરી રકમ રૂ.૧.૮૨ કરોડના ખર્ચે પુર્ણ કરવામાં આવેલ છે. આમ,રૂડારીંગરોડ-૨, ફેઝ-૨ની ૨(બે) બ્રીજ સાથેની કામગીરી કુલ રકમ રૂ.૧૭.૫૭ કરોડનાં ખર્ચે માન.મુખ્યમંત્રી શ્રી વિજયભાઇ રૂપાણી,માન.નાયબ મુખ્યમંત્રી શ્રી નીતિનભાઇ પટેલનાં વરદ્ હસ્તે તથા અન્ય મહાનુભાવોની ઉપસ્થિતીમાં “આપણી સરકારના, સૌના સાથ સૌના વિકાસના” ગૌરવભર્યા પાંચ વર્ષની ઉજવણીના ભાગરૂપે તા.૦૮ ઓગસ્ટ-૨૦૨૧ના રોજ શહેરીજન સુખાકારી દિવસે ઈ-લોકાર્પણ કરવામાં આવનાર છે.

રાજકોટ શહેરી વિકાસ સત્તામંડળ દ્વારા રીંગરોડ-૨, ફેઝ-૨, કાલાવડ હાઇવેથી ગોંડલ હાઇવે સુધીનાં ૩(ત્રણ) મેજર બ્રીજ સાથે ૧૧.૨૦ કિ.મી.નાં ૨-માર્ગીય રસ્તાની કામગીરી રકમ રૂ. ૨૫.૮૨ કરોડનાં ખર્ચે પૂર્ણ કરેલ છે. ઉલ્લેખનીય છે કે ટ્રાફીકની અગ્રીમતાને ધ્યાને લઇ રીંગરોડ-૨,ફેઝ-૨ની કુલ ૧૧.૨૦ કિ.મી લંબાઇ પૈકી પ્રથમ ૫(પાંચ) કિ.મી.નો રસ્તો રકમ રૂ.૫.૬૮ કરોડનાં ખર્ચે કામગીરી પૂર્ણ થયેલ હોય તા.૧૭-૦૨-૨૦૧૮નાં રોજ લોકાર્પણ કરી રસ્તો ટ્રાફીક માટે ખુલ્લો મુકવામાં આવેલ હતો. તેમજ લોકાર્પણ થયેલ ૫.૦ કિ.મી.નાં રસ્તા પૈકી ૩.૦ કિ.મી.નો રસ્તો રાજકોટ મહાનગરપાલિકામાં સમાવિષ્ટ થતા આ રોડ રાજકોટ મહાનગરપાલિકાને સુપરત કરેલ છે તેમજ રસ્તાની પથરેખામાં ચે. ૬૨૦૦ પર આવેલ બ્રીજનું રકમ રૂ. ૨.૫૭ કરોડનાં ખર્ચે પુર્ણ કરી તા.૦૧-૦૧-૨૦૨૧નાં રોજ લોકાર્પણ કરેલ છે.

New Road

આ રસ્તાથી ગોંડલ, કાલાવડ, જામનગર તથા મોરબી માટે બાયપાસ રસ્તા તરીકે ઉપયોગી થઇ શકશે તેમજ શાપર-વેરાવળ ઇન્ડસ્ટ્રીયલ તથા મેટોડા જી.આઇ.ડી.સી. વિકસીત એરીયાને કનેકટીવીટી મળી રહેશે અને રાજકોટ શહેરમાં વધતા જતા ટ્રાફિક ભારણને મહદ્અંશે ઘટાડી શકાશે. ઉલ્લેખનીય છે કે, હાલમાં જ્યારે ગોંડલ ચોકડી પર બ્રિજનું કામ શરૂ થયેલ છે ત્યારે આ નવો રીંગ રોડ રાજકોટના નાગરીકો માટે આશીર્વાદ સમાન થશે.
(ઓ.એસ.ડી.)
રાજકોટ શહેરી વિકાસ સત્તામંડળ

વધુ માહિતી માટે અત્યારે જ ડાઉનલોડ કરો OTT INDIA APP

Android: http://bit.ly/3ajxBk4

IOS: http://apple.co/2ZeQjTt

No comments

leave a comment