લાલુ પ્રસાદ યાદવના મોટા પુત્ર અને હસનપુરના ધારાસભ્ય તેજ પ્રતાપ યાદવ તેમની પાર્ટી રાષ્ટ્રીય જનતા દળથી ખૂબ નારાજ છે. તેઓ પાર્ટીમાં વર્ચસ્વ માટે તેમના ભાઈ તેજસ્વી યાદવ સાથે આરપારની લડાઈના મૂડમાં છે. આ વખતે તેજ પ્રતાપ એટલા ગુસ્સામાં છે કે તે વિવાદ ઉકેલવામાં તે તેમની માતા રાબડી દેવીનો સહારો પણ નથી માંગતા. તેજ પ્રતાપ યાદવે માતાના આશીર્વાદ લીધા વિના લોક નાયક જય પ્રકાશ નારાયણની જન્મજયંતિએ પદયાત્રા કાઢી હતી, જ્યારે અગાઉ તેજ પ્રતાપે કહ્યું હતું કે તેઓ માતાના આશીર્વાદ લઈને પદયાત્રા શરૂ કરશે.
રાબડી દેવીના આશીર્વાદ લીધા વિના જ પદયાત્રા શરૂ કરી
રવિવારે દિલ્હીથી પટના પરત આવેલ રાબડી દેવી તેમના નિવાસસ્થાને પહોંચ્યા હતા, પરંતુ તેજ પ્રતાપ તેમને મળી શક્યા ન હતા. એવી અપેક્ષા હતી કે જેપીની જન્મજયંતિ પર પદયાત્રા કરતાં પહેલા તે ઘરે જઈને રાબડી દેવી પાસેથી આશીર્વાદ લેશે, પરંતુ તેજપ્રતાપનો કાફલો રાબડી દેવીના ઘરની સામેથી પસાર થયો પરંતુ તે માતાના આશીર્વાદ લેવા ગયો નહીં. તેજ પ્રતાપ યાદવે સોમવારે છાત્ર જનશક્તિ પરિષદ વતી ગાંધી મેદાનમાં જે.પી.ની પ્રતિમાને પુષ્પાંજલિ અર્પણ કરી હતી અને ત્યારબાદ તેઓ કદમ કુઆન ખાતે જય પ્રકાશ નારાયણના ઘરે ગયા હતા.
આ પણ વાંચો:Jammu Kashmir Encounter: જમ્મુના પૂંછ જિલ્લામાં એક JCO અને ચાર જવાન શહિદ
જયપ્રકાશ નારાયણની આજે 119 મી જન્મજયંતિ છે
તેજ પ્રતાપ યાદવે ખુદ ફેસબુક પર એક વીડિયો પોસ્ટ કરીને આ અંગે માહિતી આપી હતી. આ દરમિયાન તેજ પ્રતાપે વધુમાં વધુ વિદ્યાર્થીઓને આ પદયાત્રામાં જોડાવા અપીલ કરી હતી. લોકનાયક જયપ્રકાશ નારાયણની 119 મી જન્મજયંતી આજે ઉજવવામાં આવી રહી છે. જેપી 1970 માં ઇન્દિરા ગાંધી સામેના વિરોધનું નેતૃત્વ કરવા માટે જાણીતા છે. ઇન્દિરા ગાંધીને સત્તા પરથી દૂર કરવા માટે તેમણે સંપૂર્ણ ક્રાંતિ’ ચળવળ કરી હતી.
જેપીએ સંપૂર્ણ ક્રાંતિનો નારો આપ્યો હતો
જયપ્રકાશ નારાયણે સંકપૂર્ણ ક્રાંતિનો નારો આપ્યો તે સમયે ઈન્દિરા ગાંધી દેશના વડાપ્રધાન હતા. જેપીએ ઇન્દિરા ગાંધી સરકાર પર ભ્રષ્ટાચારનો આરોપ લગાવ્યો હતો. 1975 માં નીચલી અદાલતમાં ઇન્દિરા ગાંધી વિરુદ્ધ ચૂંટણીમાં ભ્રષ્ટાચારનો આરોપ સાબિત થયો હતો. જયપ્રકાશે તેમના રાજીનામાની માંગ કરી હતી. જેપીએ કહ્યું કે ઈન્દિરા સરકાર પાડવી પડશે. ઉતાવળમાં ઈન્દિરા ગાંધીએ કટોકટી જાહેર કરી.
તેજ પ્રતાપે આરજેડી માટે સમસ્યાઓ ઉભી કરી
લાલુ યાદવના મોટા પુત્ર તેજ પ્રતાપ યાદવે છાત્ર જનશક્તિ પરિષદ નામનું નવું સંગઠન બનાવ્યું છે. તાજેતરમાં તેજ પ્રતાપ યાદવે તેમની સંસ્થા DSS અને અન્ય સંસ્થાને છાત્ર જનશક્તિ પરિષદમાં મર્જ કરી છે. બીજી બાજુ, છાત્ર જનશક્તિ પરિષદના સભ્ય સંજય કુમારે તારાપુર પેટાચૂંટણીમાં ઉમેદવારી નોંધાવીને આરજેડી માટે મુશ્કેલીઓ વધારી દીધી છે. તારાપુરથી ઉમેદવારી પત્ર ભરનાર સંજય કુમારે સ્પષ્ટપણે જણાવ્યું હતું કે તેજપ્રતાપ યાદવ પાસેથી પરવાનગી લીધા બાદ તેમણે ઉમેદવારી પત્ર ભર્યું છે. આ સાથે જ આરજેડીએ બિહારની બે વિધાનસભા બેઠકો પર યોજાનારી પેટાચૂંટણી માટે પણ ઉમેદવારો ઉભા રાખ્યા છે. તેજસ્વીએ કુશેશ્વરસ્થાન અને તારાપુર વિધાનસભા બેઠકોના બે ઉમેદવારોને ટિકિટ આપી છે. આવી સ્થિતિમાં હવે તેજ પ્રતાપે ઉમેદવાર ઉતારીને મુશ્કેલીઓ ઉભી કરી છે.
સ્ટાર પ્રચારકોની યાદી પર તેજ પ્રતાપની ટિપ્પણી
તેજ પ્રતાપ યાદવે વધુમાં કહ્યું કે તેમણે મીડિયા દ્વારા તેમના અર્જુન (તેજસ્વી યાદવ) ને જય પ્રકાશ નારાયણની જન્મજયંતિ પર પદયાત્રામાં જોડાવા માટે આમંત્રણ આપ્યું છે. તેજ પ્રતાપે કહ્યું કે તેઓએ આ પદયાત્રામાં આવવું જોઈએ, તેમની રાહ જોવામાં આવશે. તેજ પ્રતાપે કહ્યું કે પદયાત્રામાં સંગઠનના પ્રદેશ પ્રમુખ સહિત સંકળાયેલા તમામ લોકો હાજર રહેશે. સ્ટાર પ્રચારકોની યાદીમાં નામ ન હોવાના પ્રશ્ન પર તેજ પ્રતાપ યાદવે કહ્યું કે તેમાં કોઈ મોટી વાત નથી. હા તે જરૂરી છે કે તેમાં માતા રાબડી દેવી અને બહેન મીસા ભારતીનું નામ હોવું જોઈએ. તેમણે કહ્યું કે સ્ટાર પ્રચારક માત્ર એક કાગળની પ્રક્રિયા છે.
વધુ માહિતી માટે અત્યારે જ ડાઉનલોડ કરો OTT INDIA APP
Android: http://bit.ly/3ajxBk4
