Ott India News Logo
Recent Posts
Connect with:
Tuesday / November 30.
Homeન્યૂઝભોપાલની કમલા નેહરુ હોસ્પિટલના ચિલ્ડ્રન વોર્ડમાં આગ લાગી, 3 નવજાત બાળકનાં મોત

ભોપાલની કમલા નેહરુ હોસ્પિટલના ચિલ્ડ્રન વોર્ડમાં આગ લાગી, 3 નવજાત બાળકનાં મોત

Bhopal
Share Now

ભોપાલ (Bhopal)ના હમીદિયા હોસ્પિટલ કેમ્પસ ખાતે ગઇકાલે સોમવારે અંદાજે 9 વાગ્યે ભીષણ આગ લાગી હતી. પરિસરમાં આવેલા બિલ્ડિંગના ત્રીજા માળ સ્થિત પીડિયાટ્રિક વોર્ડમાં આગ લાગી હતી. આ આગ લાગવાની ઘટનાને પગલે 3 નવજાત બાળકનાં મોત થયાં છે. ત્રણ કલાકની ભારે જહેમત બાદ રાતે ફાયર વિભાગની ટીમે આગ પર કાબૂ મેળવ્યો હતો.

Bhopal માં બિલ્ડિંગ શિફ્ટિંગ પહેલાં જ આગની ઘટના ઘટી

મળતી માહિતી મુજબ, જે ચિલ્ડ્રન વોર્ડમાં આગ લાગી છે, તેને નવી બિલ્ડિંગમાં શિફ્ટ કરવાનો હતો. તે પહેલાં જ આગ લાગવાની દુર્ઘટના ઘટી હતી. આગ લાગવાની ઘટના બાદ કેટલાક લોકોને સ્ટ્રેચરથી બહાર નિકાળી અને બીજી હોસ્પિટ ખાતે ખસેડવામાં આવ્યા હતા.

મુખ્યમંત્રીએ તપાસ સોંપી

મુખ્યમંત્રી શિવરાજસિંહે આ ઘટનાને લઇને સોશિયલ મીડિયા દ્વારા જણાવ્યું હતું કે, ભોપાલના કમલા નહેરુ હોસ્પિટલના ચિલ્ડ્રન વોર્ડમાં લાગેલી આગ દુ:ખદ છે. દુર્ભાગ્યવશ ગંભીર બીમારીથી પીડાતા ત્રણ બાળકોને બચાવી શક્યા નથી. ઘટનાની તપાસના આદેશ આપવામાં આવ્યાં છે. આ તપાસ એડિશનલ ચીફ સેક્રેટરી લોક સ્વાસ્થ્ય તેમજ ચિકિત્સા શિક્ષા મોહમ્મદ સુલેમાન કરશે. ઘટના પર મારી સતત નજર છે.

આ પણ વાંચો: દિવાળીના તહેવારોમાં ફાયરબ્રિગેડની સાયરનો સતત વાગતી રહી,જાણો ફાયરબ્રિગેડની ટીમને કેટલા કોલ આવ્યા ? 

આ દુર્ઘટના પાછળ અલગ અલગ કારણો બહાર આવી રહ્યા છે. ઘટનાને લઇને સ્થાનિકોએ જણાવ્યું હતુ કે, સિલિન્ડર અથવા વેન્ટિલેટરમાં બ્લાસ્ટ થયો છે. તો કેટલાકે શોર્ટ સર્કિટને કારણે પણ આગ લાગી હોવાની આશંકા વ્યક્ત કરી હતી. મુખ્યમંત્રી શિવરાજ સિંહ ચૌહાણે આ મામલે રિપોર્ટ માગ્યો છે. આ સાથે જ હોસ્પિટલને બાળકોની સુરક્ષા અને ઇલાજના આદેશ આપ્યાં છે.

બસમાં આગ લાગી જુઓ વીડિયો

વધુ માહિતી માટે અત્યારે જ ડાઉનલોડ કરો OTT INDIA APP

Android: http://bit.ly/3ajxBk4

IOS: http://apple.co/2ZeQjTt

No comments

leave a comment