ઉત્તરાખંડ સરકારે દેવસ્થાનમ બોર્ડને વિસર્જન કરવાનો નિર્ણય લીધો છે. ત્યારબાદ રાજકારણ શરૂ થઈ ગયું છે. સાધુ-સંતોની માંગ બાદ એક સમિતિ બનાવીને બોર્ડને ભંગ કરવાનો નિર્ણય લેનારી ઉત્તરાખંડ સરકાર પર નિશાન સાધતા રાજ્યના પૂર્વ મુખ્યમંત્રી હરીશ રાવતે કહ્યું છે કે આ સરકારને હારનો ડર છે. જણાવી દઈએ કે ત્રિવેન્દ્ર સિંહ રાવત સરકારે તમામ તીર્થધામોને લઈને દેવસ્થાનમ બોર્ડ બનાવવાનો નિર્ણય કર્યો છે.
દેવસ્થાનમ બોર્ડને વિસર્જન કરવાનો નિર્ણય
ત્રિવેન્દ્ર સિંહ રાવતને મુખ્યમંત્રી પદેથી હટાવ્યા બાદ એવી ચર્ચાઓ શરૂ થઈ હતી કે ઋષિ-મુનિઓની નારાજગી પણ મુખ્ય કારણ છે. ઋષિ-મુનિઓની નારાજગીનું સૌથી મોટું કારણ ખુદ દેવસ્થાનમ બોર્ડ હતું. રાજ્યના મુખ્યમંત્રી પુષ્કર સિંહ ધામીએ માહિતી આપી છે કે સરકારે પોતાનો નિર્ણય પાછો ખેંચી લીધો છે, જેના સંદર્ભમાં ભૂતપૂર્વ મુખ્યમંત્રી અને કોંગ્રેસના વરિષ્ઠ નેતા હરીશ રાવતે જણાવ્યું હતું કે જે દિવસે બોર્ડની રચના કરવામાં આવી હતી, વિપક્ષે સરકાર વિરુદ્ધ એ જ દિવસે વિધાનસભા અને વિધાનસભાની બહાર વિરોધ કર્યો હતો અને કહ્યું હતું કે તે આપણી પરંપરા અને સંસ્કૃતિની વિરુદ્ધ છે.
उस समय सरकार अपने अंहकार में थी। जब उन्हें लगा कि इससे जनमत खिलाफ हो रहा है और सरकार को अपनी हार स्पष्ट दिखाई देने लगी तो उन्होंने देवस्थानम बोर्ड को भंग करने का फैसला किया है: कांग्रेस नेता हरीश रावत, देहरादून, उत्तराखंड https://t.co/NvUpgKJw87
— ANI_HindiNews (@AHindinews) November 30, 2021
આ પણ વાંચો:સાંસદોના સસ્પેન્શનને લઈને ભારે હોબાળો, લોકસભા સ્થગિત અને રાજ્યસભામાંથી વિપક્ષનું વોકઆઉટ
હરીશ રાવતે વધુમાં કહ્યું કે તે સમયે સરકાર અહંકારમાં હતી, જ્યારે તેમને લાગ્યું કે જનમત વિરુદ્ધ જઈ રહ્યો છે અને સરકારને તેમની હાર સ્પષ્ટ દેખાઈ રહી છે, ત્યારે તેમણે તેને વિખેરી નાખવાનો નિર્ણય કર્યો છે. આવનારી ચૂંટણીમાં હારના ડરથી સરકારનો આ નિર્ણય છે. જણાવી દઈએ કે દેવસ્થાનમ બોર્ડ દ્વારા રાજ્યના ઘણા મંદિરોનું નિયંત્રણ સરકાર પાસે આવ્યું હતું.
શું છે દેવસ્થાનમ બોર્ડ શું છે અને શ માટે તેની રચના થઈ હતી
સામાન્ય રીતે મંદિરોનું નિયંત્રણ સરકારને બદલે ઋષિ-મુનિઓ પાસે હતું. પરંતુ વર્ષ 2019માં ત્રિવેન્દ્ર રાવતની સરકાર એવો નિયમ લાવી, જેના દ્વારા રાજ્યના 51 મંદિરોનું નિયંત્રણ સરકાર પાસે આવ્યું. જેમાં ગંગોત્રી, યમુનોત્રી, બદ્રીનાથ અને કેદારનાથ ધામ પણ સામેલ હતા. જે બોર્ડ દ્વારા સરકારે મંદિરો પર નિયંત્રણ મેળવવાનો પ્રયાસ કર્યો તેનું નામ દેવસ્થાનમ બોર્ડ હતું અને તે કાયદાનું નામ ઉત્તરાખંડ ચારધામ દેવસ્થાનમ મેનેજમેન્ટ એક્ટ 2019 હતું. બોર્ડના અધ્યક્ષ ઉત્તરાખંડના મુખ્યમંત્રી હતા, જ્યારે સતપાલ મહારાજને ઉપાધ્યક્ષ બનાવવામાં આવ્યા હતા. આ સિવાય સીઈઓ અને 12 સભ્યોની કમિટી બનાવવામાં આવી હતી. જેનું હવે વિસર્જન થઈ જશે.
શા માટે થયો વિવાદ
સરકારે કહ્યું કે તીર્થયાત્રીઓની વધતી સંખ્યાને જોતા અને તીર્થયાત્રાને મજબૂત બનાવવા માટે સરકારનું નિયંત્રણ જરૂરી છે, જ્યારે ઋષિ-મુનિઓએ કહ્યું કે આ નિર્ણય આપણી પરંપરા અને સંસ્કૃતિની વિરુદ્ધ છે. સરકાર બોર્ડની આડમાં અમારા અધિકારો છીનવી રહી છે, આ અંગે ઘણા વિરોધ થયા હતા, અંતે સરકારે એક કમિટી બનાવી અને પછી કમિટીના રિપોર્ટના આધારે આગામી ચૂંટણીને ધ્યાનમાં રાખીને તેને વિસર્જન કરવાનો નિર્ણય લીધો.
વધુ માહિતી માટે અત્યારે જ ડાઉનલોડ કરો OTT INDIA APP
Android: http://bit.ly/3ajxBk4
