Ott India News Logo
Recent Posts
Connect with:
Thursday / December 2.
Homeન્યૂઝબહાદુરીનું બીજું નામ મહિલા ઇન્સ્પેકટર રાજેશ્વરી, વિડીયો સોશિયલ મીડિયામાં મચાવી રહ્યો છે ધૂમ

બહાદુરીનું બીજું નામ મહિલા ઇન્સ્પેકટર રાજેશ્વરી, વિડીયો સોશિયલ મીડિયામાં મચાવી રહ્યો છે ધૂમ

VIRAL VIDEO OF RAJESHWARI
Share Now

પૂરમાં ડૂબેલા ચેન્નઇ (Chennai) શહેરમાં એક બેભાન વ્યક્તિને ખભા પર ઉપાડીને હોસ્પિટલ પહોંચડવા માટે મહિલા ઇન્સપેક્ટર ઇ. રાજેશ્વરી (E. Rajeshwari) ની જોરદાર પ્રશંસા થઇ રહી છે. રાત દિવસ જાગી જીના જોખમે લોકોને બચાવવા તનતોડ મહેનત કરતા મહિલા પોલીસની કામગીરીને સો સો સલામ છે. એક્ટરમાંથી રાજનેતા બનેલા કમલ હાસન (Kamal Haasan) એ પણ મહિલા ઇન્સપેક્ટરની બહાદુરીની પ્રશંસા કરતાં તેમણે સમાજની રોલ મોડલ ગણાવી છે.

મહિલા ઇન્સપેક્ટરે બચાવ્યો જીવ

ઘટનાસ્થળે પહોંચેલી મહિલા ઇન્સપેક્ટરએ તૂટેલા ઝાડને હટાવીને દબાયેલા વ્યક્તિને જોયો તો તે બેભાન હતો. ત્યારબાદ મહિલા ઇન્સપેક્ટરે તે બેભાન વ્યક્તિને પોતાના ખભા પર લીધો અને તાત્કાલિક હોસ્પિટલ પહોંચાડવા માટે ઓટો રિક્શા કરી. તેની તાત્કાલિક મદદના લીધે બેભાન વ્યક્તિનો જીવ બચી ગયો. તેની ઓળખ ઉદયકુમારના રૂપમાં કરવામાં આવી છે. તે એક કબ્રસ્તાનમાં કામ કરે છે. ઝાડ નીચે દબાતા અને આખી રાત વરસાદમાં પલળતાં તે બેભાન થઇ ગયો હતો.

રાજેશ્વરી (E. Rajeshwari) ની બહાદુરીનો વીડિયો વાયરલ થઇ ગયો

આ ઘટના બાદ મહિલા ઇન્સપેક્ટર ઇ. રાજેશ્વરી (E. Rajeshwari) ની બહાદુરીનો વીડિયો વાયરલ થઇ ગયો. લોકો સોશિયલ મીડિયા પર તેમની પ્રશંસા કરી રહ્યા છે. મહિલા ઇન્સપેક્ટર ઇ. રાજેશ્વરી (E. Rajeshwari) પોતાની ટીમ સાથે પોતાના ક્ષેત્રમાં સતત પૂર પીડિતો માટે રાહત અભિયાન ચલાવી રહી છે. લોકોનું કહેવું છે કે આ સમાજની અસલી રોલ મોડલ છે.

આ પણ વાંચો : પોક્સો કોર્ટે ઇતિહાસ રચ્યો: સુરતમાં 4 વર્ષની બાળકી પર દુષ્કર્મ આચરનાર રેપિસ્ટના આરોપીને 5 જ દિવસમાં સજા

કમલ હાસન (Kamal Haasan) એ ટ્વીટ કરીને કહ્યું મહિલા ઇન્સપેક્ટર ઇ. રાજેશ્વરી (E. Rajeshwari) નો કર્તવ્ય સચેત સ્વભાવ, જે એક બેભાન વ્યક્તિનો જીવ બચાવવા માટે દોડતી જોવા મળી છે. આ આશ્વર્યજનક છે. તેમનું સાહસ અને સેવા પ્રશંસનીય છે. એક અધિકારીના આ રોલ મોડલને મારી દિલથી શુભેચ્છાઓ.’

તમિલનાડુના ઘણા ભાગોમાં પડી રહ્યો છે વરસાદ

તમને જણાવી દઇએ કે ચેન્નઇ (Chennai) સહિત તમિલનાડુના ઘણા ભાગોમાં હાલ જોરદાર કમોસમી વરસાદ પડી રહ્યો છે. જેના લીધે આખુ શહેર પાણીમાં ડૂબી ગયું છે. ગુરૂવારે સવારે ભારે વરસાદની વચ્ચે મહિલા ઇન્સપેક્ટર ઇ. રાજેશ્વરી (E. Rajeshwari) ને ફોન પર સૂચના મળી હતી કે શહેરના ટીપી ચતર્મ વિસ્તારમાં એક વ્યક્તિ ઝાડ નીચે દબાઇ જતાં મોતને ભેટ્યો છે.

ભારે વરસાદના લીધે ચેન્નઇમાં 14 લોકોના જીવ ગયા

ચેન્નઇમાં ભારે વરસાદના લીધે અત્યાર સુધી 14 લોકોના જીવ ગુમાવી ચૂક્યા છે. સ્થાનિક વહિવટી તંત્ર રાહત અને બચાવ કાર્યોમાં જોડાઇ ગયું છે અને ગત 4 દિવસની અંદર શહેરમાં 20 લાખ લોકો સુધી ભોજન પહોંચડવામાં આવ્યું છે.

ચેન્નઇ એરપોર્ટ સાંજ સુધી બંધ કરી દેવામાં આવ્યો

ચેન્નઇમાં થઇ રહ્યો છે ભારે વરસાદના લીધે એરપોર્ટ બપોરે 1.15 વાગ્યાથી સાંજે 6 વાગ્યા સુધી બંધ કરી દેવામાં આવી છે. ભારે વરસાદના લીધે ચેન્નઇ શહેરના 13 સબવેમાં પાણી ભરાઇ ગયું છે અને હજારો ઝાડ પડી ગયા છે.

વધુ માહિતી માટે અત્યારે જ ડાઉનલોડ કરો OTT INDIA APP

Android: http://bit.ly/3ajxBk4

IOS: http://apple.co/2ZeQjTt

No comments

leave a comment