Ott India News Logo
Recent Posts
Connect with:
Friday / October 7.
Homeસ્ટાર્ટ અપશું તમે જાણો છો ન્યાયનું પ્રતિક ગણાતું ત્રાજવું ક્યાં બને છે?

શું તમે જાણો છો ન્યાયનું પ્રતિક ગણાતું ત્રાજવું ક્યાં બને છે?

Law Scale
Share Now

કોઈને પુછવામાં આવે કે ન્યાયનું પ્રતિક શું છે? તો તરત જ જવાબ મળે કે ન્યાયનું પ્રતિક ત્રાજવું છે. પરંતુ એમ પુછવામાં આવે કે ન્યાયનું પ્રતિક ત્રાજવા બનાવવાની શરૂઆત ક્યાંથી થઈ હતી. તો એ વિશે ઘણા લોકો અજાણ છે. અમે તમને કહીશું કે ત્રાજવું બનાવવાની શરૂઆત સૌરાષ્ટ્રના અમરેલીના સાવરકુંડલામાંથી થઈ હતી તો તમને જરૂર આશ્ચર્ય લાગશે. પરંતુ આ હકીકત છે. તો આ વજનકાંટા બનાવવાની શરૂઆત ક્યારે થઈ અને તેના સમૃધ્ધ ઈતિહાસ વિશે પરિચય કરાવીશુ.

સમગ્ર વિશ્વમાં વજન કાંટા બનાવવાની શરૂઆત આજથી દોઢસો વર્ષ પહેલા અમરેલીના સાવરકુંડલા તાલુકામાં થઈ હતી. દોઢસો વર્ષ પહેલા સાવરકુંડલાના લુહારો નાવલી નદીના કિનારે હથિયારો બનાવતા હતા. લુહારો હથિયારોની સાથે ખેતીના ઓજારો બનાવી પોતાનું ગુજરાન ચલાવતા હતા. તે સમયે તેમને પ્રેરણા મળી કે આવા ઘાતક હથિયારો બનાવવા કરતાં વજન કાંટા બનાવવા જોઈએ. બસ આ સામાન્ય પ્રેરણા મળવાથી બુદ્ધિશાળી લોકોએ સૌપ્રથમ વાર દાંડી કાંટાનું નિર્માણ કર્યુ હતું. તેમણે સૌપ્રથમ છાપરામાં વજનીયાઓ નક્કી કરી અને સંપૂર્ણ વજન કાંટો તૈયાર કર્યો હતો. જેને દેશી કાંટો પણ કહેવામાં આવે છે. આ દેશી કાંટો હાલ લુપ્ત થઈ રહ્યો છે. સાવરકુંડલાના કારીગરો સમયાંતરે નવી ટેકનિકનો ઉપયોગ કરતા રહ્યા છે. સાવરકુંડલાના કારીગરો કઈંકને કઈંક નવુ કરતા રહેવાની જિજ્ઞાસા ધરાવતા હોવાથી તેમણે ટેકનોલોજીનો ઉપયોગ કરીને કાઉન્ટર કાંટો બનાવ્યો હતો. 

ત્રાજવું

વજન કાંટો

જુઓ આ વીડિયો: https://ottindia.tv/watch/weighing-machine-industry-69643d32323330

હાલ સાવરકુંડલામાં આ કાઉન્ટર કાંટા હજારો ઉત્પાદકો બનાવી રહ્યા છે. સમય અને માંગ પ્રમાણે સાવરકુંડલાના કારીગરો વજન કાંટમાં સુધારા લાવતા ગયા છે. ઈલેક્ટ્રોનિક યુગ આવતા ઈલોક્ટ્રોનિક કાંટાનું ઉત્પાદન પણ મોટી સંખ્યામાં થઈ રહ્યું છે. ઈલેક્ટ્રોનિક કાંટા નાનકડા સોનીકામના ઉપયોગથી લઈ અને ટ્રક તેમજ હેવી વાહનોના વજન માટે પણ ઈલેક્ટ્રોનિક કાંટા ઉપયોગમાં લેવાઈ રહ્યા છે. બાળકનો જન્મ થાય ત્યારે તેનું વજન કરવા અને ગેસના બાટલા તોલવા પણ સ્પ્રિંગ કાંટા વપરાય છે. એટલે દરેક વસ્તુનું તોલ માપ રોજીંદા જીવનમાં વણાયેલા અને મહત્ત્વના બની ગયા છે. જેમાં દરેક જગ્યાએ સાવરકુંડલાના કાંટા ઉપયોગમાં લેવાઈ રહ્યા છે. 

ડિજિટલ વેઈંગ મશીન

સાવરકુંડલામાં આશરે 40,000 જેટલા લોકો વજનકાંટાના ઉધોગ સાથે જોડાયેલા છે. સામાન્ય પ્રેરણા મળવાથી વજન કાંટા બનાવવાની શરૂઆત કરી હતી અને આજે એ સામાન્ય પ્રેરણા થકી હજારો લોકો રોજગારી મેળવી રહ્યા છે. સાવરકુંડલામાં બનતા વજન કાંટા ગુજરાત અને ગુજરાત બહાર વિદેશમાં પણ સપ્લાય કરવામાં આવે છે. લાખો અને કરોડા રૂપિયાનું વાર્ષિક ટન ઓવર ધરાવતો આ વજન કાંટા ઉદ્યોગ કારીગરોને રોજગારી તો આપે જ છે સાથે સરકારને પણ લાખો રૂપિયાનું હુંડિયામણ કમાવી આપે છે. વજન કાંટા ક્ષેત્રે સાવરકુંડલા નોંધપાત્ર પ્રગતિ કરી ચુક્યું છે. હાલ સાવરકુંડલામાં લગભગ 500 જેટલા નાના મોટા ઉત્પાદકો વજનકાંટાનું ઉત્પાદન કરી રહ્યા છે. સામાન્ય પ્રેરણાથી શરૂ થયેલો ઉદ્યોગ આજે વિશ્વ વિખ્યાત બની ગયો છે. હાલ સાવરકુંડલા શહેર ન્યાયના પ્રતિક એવા વજન કાંટાનું પર્યાય બની ગયું છે.

આ પણ વાંચોhttps://read.ottindia.app/gu/2021/03/26/balaram-mahadev-temple-palanpur/

No comments

leave a comment